رنگی سولموش خزلم ...

گوزلیم گوزلریمه رحم ایله آغلاتما منی

عشقیمین قدرینی بیل آیریسینا ساتما منی

من سنه جان دمیشم باغریمی قان ایلمیشم

بو غریبانه‌لرین محملینه ساتما منی

رنگی سولموش خزلم یللره تاپشیرما منی

گوز یاشمدان توکولن سللره تاپشرما منی

آند اولا عشقیمه بیر گون دوزه بیلمم سن سیز

آی‌لارا هفته‌لره ایللره تاپشیرما منی!

 

---

شعر کامل و نام شاعر رو اگه می‌دونین، از قسمت نظرات همین پست اطلاع بدین. 

یار آغلادی من آغلادیم... | ترکی

یارین بویون قوجاخلادیم یارآغلادی من آغلادیم

ییغشدی قونشولار بوتون جار آغلادی من آغلادیم

باشیندا قارلی داغلارا دانشدیم آیرلیق سوزون

بیر آه چکیب باشینداکی قار آغلادی من آغلادیم

طاریمدا نار آغاجلاری منی گوروب دانیشدیلار

بویومو زیتون اوشاخدی نار آغلادی من آغلادیم

ایله که اسدی بیر خزان تالاندی گوللیرم منیم

خبر چاتینجا بولبوله خار آغلادی من آغلادیم

اورک سوزون دئدیم تارا سیملر اولدی پارا پارا

یاواش یاواش سیزیلدادی تار آغلادی من آغلادیم

دئدیم کی حق منیم کی دیر باشیمی چکدیلر دارا

طنف سیخاندا بوینومو دار آغلادی من آغلادیم

 

جعفری یم بویوم بالا غم اورکده قالا قالا

یار جانمی آلا آلا یار آغلادی من آغلادیم

هوشنگ جعفری